Matapos mag-tweet ng kung anu-anong pagpapakyut si Kris Aquino patungkol sa nakita nitong litrato ni P’Noy kasama ang Prime Minister ng Thailand, heto at mag-aanunsyo itong wala siyang planong mag-play Cupid sa dalawa.

Nabuking kasi, tugang na Butch, na nagkamali pala sa pag-research itong si Tetay patungkol sa estado ng Thai Prime Minister dahil may asawa’t mga anak pala ito.

Nakakaloka, ’di ba? Wala tayong pakialam sa mga pagpapakyut niya at walang tigil na pag-e-emote sa buhay ng kapatid na lider ng bansa, pero mas maging responsable naman sana siya, ’di ba? Masabi lang na pinag-uusapan siya, eh, kung anu-ano na ang gagawin at sasabihin, tapos kapag nasukol at nalagay sa nega, kung anik-anik din ang mga depensa.

Very Kris, indeed.

Heto pa, wala namang masyadong nagtatanong sa estado ng annulment niya kay James Yap, pero dahil siya itong mahilig manguna o magbigay ng hint, natural na kalkalin ’yun. Ang siste, pagdating sa mabubuking na siya, buong giting itong iiwas at magdi-divert kuno-kuno ng usapan at ibabalik sa kanya ang sentro ng pag-uusap para lumabas na siya ang bida o dapat bigyan ng simpatiya.

Nakakaloka talaga!

* * *

MAYROON na ngang nagpapasaya kay Christian Bautista ngayon.

At kung ang kuwento ng aming source ang pagbabasehan, walang kuwestiyon na natagpuan na ’yun ng singer-actor kay Carla Dunareanu, isang Singapore-based star na katrabaho nito sa Kitchen Musicale.

Ayon nga sa kuwento ng aming very reliable source, naispatan kamakailan ang mga ito sa isang bonggang restaurant sa may Tomas Morato, QC area kasama ang ilang co-stars nila sa naturang musicale, gaya ni Karylle with her rumored BF Yael Yuzon ng Spongecola band, Art Acuña and Maritina Romulo. 

“Hindi ba si Art ’yung bida du’n sa NINO na indie movie na gustung-gusto mo? Confirmed akong kasama siya saka alam ko na part siya ng musicale,” kuwentong-tanong sa amin, tugang na Butch, ng source namin.

Ayon pa rito, naging couple’s night ang naturang pagtitipon dahil very sweet nga raw na pinupunasan pa ng pawis ni Christian si Carla, habang gumaganting-punas naman ang dalaga sa bibig ng singer-actor. Panay din daw ang tuksuhan nina Karylle at Yael na dinaan sa kanta ang biruan. Pero dedma ang source namin sa duo nina Art at Maritina dahil baka raw masisante siya sa naturang resto, kaya nandun na ang clue kung nasaan sila.

Hahaha!

* * *

Hala, tila lumaki na nang husto ang isyu tungkol kina bossing Vic Sotto at Pauleen Luna dahil hindi na halos tumigil sa pagsasalita at pagbibigay ng kanyang disapproval si Oyo, anak ni bosing kay Dina Bonnevie.

Curious na curious nga kami kung ano ang saloobin ni Pauleen sa mga naglabasang pahayag ni Oyo sa kung anumang namumuong magandang pakikitungo raw nito kay bossing Vic?

Kahit sino kasi ang mag-analisa, tugang na Butch, masasabing harapang “pagtanggi at pambabastos” na matatawag ang pahayag ni Oyo Boy at kami ang naaawa for Pauleen, if ever nga na may relasyon sila ni Vic. Much more kung wala, ’di ba?

Pero saloobin lang ’yun ni Oyo. Ang pinal at huling desisyon, nasa tatay pa rin niya, whether tanggapin niya o aprubahan ang pakikitu-ngo nito sa maganda at batang aktres.

Siya na mismo ang nagsa-bing his father deserves to love and be loved. ’Yun nga lang, hindi nito inakalang sa mas bata pa pala sa kanya ito mai-in love.