MATAGAL ding nanahimik ang mga anak ni Vic Sotto sa isyung naglalabasan tungkol sa umano ay relasyong Vic-Pauleen Luna.

Tahimik sila, lalo na si Oyo Boy Sotto, dahil sa pag-aakalang puwedeng tsismis lang ito.  Ganoon naman sila hanggang wala silang naririnig na pag-amin mismo mula sa kanilang ama.

But since umamin na nga raw si Vic na girlfriend niya si Pauleen, nagpa-interview na si Oyo Boy at nagsabi ng kanyang saloobin tungkol dito.

“Hindi ako galit kay Daddy pero tutol ako sa ginawa niya,” say daw ni Oyo.

Hindi raw yata matanggap ni Oyo na mas bata pa sa kanya ang kinuha ng ama. Hindi raw ayaw ni Oyo kay Pauleen, kundi ang pagiging sobrang bata nito.

Si Oyo kasi talagang madalas makipag-usap sa ama. Kumbaga, daddy’s pet ’yan. Mahal na mahal ni Oyo ang ama. ’Yun bang super, as in, over-protective ito sa ama. Kaya kahit na noong naglalabasan pa lang ang isyu kay Pauleen, nagparinig daw ito kay Vic na kung magmamahal ulit, kumuha naman ng babaeng hindi masasabing parang anak na lamang niya ang edad.

Ganoon din daw ang saloobin ng isa pang anak ni Vic na si Danica.

Pero ayaw pa raw nitong mag-comment sa ngayon hanggang hindi pa nakakusap ang ama.

Kung totoo man na tutol ang mga anak ni Bossing Vic sa pakikipagrelasyon nito kay Pauleen, hindi natin sila masisisi.

Bilang mga anak kasi, ayaw lang nilang makitang nasasaktan ang ama.

Ramdam kasi ng mga ito ang laki ng paghihirap ni Vic sa ginawang pagpapalaki sa kanila, pati ang pagsasakripisyo ng ama para mabigyan sila ng magandang buhay, kaya natatakot lang sila baka kung saan lang humantong ang pakikipagrelasyon nito sa isang bata, tulad ni Pauleen.

Pero sa isang banda, dapat ding unawain ng mga anak ni Bossing Vic ang kanilang ama. Dapat ding isipin ng mga batang ito na hindi nila maibibigay ang ilang pangangailangan ng kanilang ama.

Alalahanin sana ng mga anak ni Bossing Vic na hindi nadidiktahan ang puso kung sino ang dapat nitong mahalin. Dapat ay unawain at suportahan na lang nila ang ama kung sino man ang mamahalin nito.

* * *

MAY nakarating sa aming tsika na umano, hugas-kamay ang singer na si Rico Puno at sinabing never daw niyang siniraan nang talikuran si Willie Revillame.

“Ganyan talaga si Rico, may pagkasinungaling. Hindi niya kayang panindigan kung anuman ang gusot na pinapasok niya,” sabi naman ng isang dating kaibigan ni Rico J.

May tsika ring galit din daw si Rico J kay Reyna ng mga Intriga Cristy Fermin dahil bakit gumagawa ng isyung hindi naman daw totoo.

Take note, Rico J, ginawa mo pang sinungaling si Cristy Fermin, huh!

Feeling yata ng singer na ito, super-sikat pa siya kaya ginagamit ni Cristy para pag-usapan si Willie.

Hahaha!

* * *

ZOREN LEGASPI MAY SARILING SEGMENT NA SA PAPARAZZI

TULUY-tuloy na nga ang pagsikat ng magaling at guwapong aktor na si Zoren Legaspi sa larangan ng TV hosting.

Ngayon, hindi lang siya isa sa paboritong co-hosts nina Cristy Fermin, Dolly Ann Carvajal at Ruffa Gutierrez sa number one ngayong showbiz-oriented TV talk show na Paparazzi, kundi binigyan pa siya ng sariling segment -- ang “Direct Talk With Papa Z!”

Bongga, as in, ang husay-husay talaga ni Zoren sa kanyang segment.

Imagine, keri niyang mapagsalita nang katotohanan ang ka-one-on-one ni-yang artista, huh!

Tulad kay Nina Jose, na napaamin niya tungkol sa ginagawang panliligaw umano sa kanya ni Vic Sotto.

Sa true lang, masasabing history sa showbiz-oriented TV talk shows si Zoren dahil karaniwan kasing host ng tsismis sa showbiz, mga bading.

Bukod-tangi nga naman si Zoren na tunay na lalaki at at tinatangkilik talaga ng viewers.

’Yun nga lang, hindi kaya everytime na naghu-host si Zoren sa Paparrazi, kakaba-kaba ang dibdib ni Carmina Villaroel?

Nakakaloka kasi ang mga baong pasabog ni Zoren -- totoong-totoo at nagiging malaking isyu.