Isa nang Kapamilya si Iza Calzado at dahil dito, mawawala na rin siya sa Eat Bulaga. Hindi na nga naman maganda na bilang Kapamilya, patuloy pa rin siyang mapapanood sa GMA7, kahit pa sabihin na block timer ang Eat Bulaga.

Gusto raw sana ni Iza na bago mawala sa EB, makapagpaalam muna siya sa staff at televiewers ng show, pero hindi na siya pinayagan dahil isa na nga siyang Kapamilya.

Isang batang-batang actress daw ang makakapalit ni Iza sa Eat Bulaga at kung walang magiging aberya, ipakilala na ito sa noontime show any day soon.

Anyway, anuman ang naging desisyon ni Iza na maging Kapamilya, sana ay naging maganda rin ang pamamaalam nito sa Kapuso Network.

Aminin man o hindi ni Iza, isang malaking kawalan siya sa Eat Bulaga dahil laging nangunguna ang nasabing noontime show at pinapanood ng sambayanang Pilipino.

* * *

Mali ang naglabasan na balitang magsasalita na rin si Danica Paner sa tunay na isyu ng paghihiwalay nila ni JC de Vera.

Gustuhin man daw sabihin ni Danita ang tunay na dahilan ng paghihiwalay nila ng aktor, hindi niya magagawa dahil baka tuluyan nang magalit sa kanya si JC.

Umaasa pa rin kasi ang dalaga ni Daisy Romualdez na maayos ang break-up nila at hindi naman itinatanggi ni Danica nasa puso pa rin niya ang hunk actor.

Last November 2011 naghiwalay sina Danica at JC, pero ang ikinagulat ni Danica, bakit hindi nasunod ang napagkasunduan nila na walang magsasalita sa media. Anyway, mahal pa rin daw ni Danica si JC at hindi raw niya ito madaling makakalimutan.

Ilan sa nami-miss niya kay JC ay ang pagiging mabait at maalaga. Kaya nga raw kapag nag-iisa siya, hindi niya mapigilan ang umiyak. At para malibang, nagpa-fans day si Danica para maibsan kahit sandali ang kalungkutan.

Mabuti rin at may bagong day time series si Danica sa TV5, na malaking tulong para maghilom ang sugatan niyang puso.

* * *

Last Sunday ginanap ang binyag ng anak nina Regine Velasquez at Ogie Alcasid na si Nathaniel James o Baby Nate.

Ilan sa mga naging ninong at ninang ni Baby Nate ay sina Sen. Bong Revilla, mag-asawang Manny and Jinkee Pacquiao, Kris Aquino, Judy Ann Santos, Dingdong Dantes at Ai Ai delas Alas. Ang ibang ninong at ninang, mga kaibigan at kapatid nina Regine at Ogie.

Tinanong si Ogie kung paano sila nagdesisyon kung sino ang magiging mga ninong at ninang.

“Alam ninyo, si Sen. Bong (Revilla) at Cong. Manny (Pacquiao), naalala ko noon, sinabi ni Congressman sa akin, “O, bakit hindi ka manood ng laban ko? Sabi ko, eh, kasi nanganak si misis. Sabi niya, “O, ninong ako, ha!” O, ako ang nag-alok? Hindi ko maalala.

“Tapos si Senator, in fairness to him, he really went out his way and said, “O, hindi ako puwedeng hindi ninong d’yan. Sino ba naman kami para tumanggi? Si Kris naman, she’s someone who has been very supportive to us in her own quiet way. Napakabuti niya sa amin.

“Si Ai Ai naman, related sa amin. Actually, cousin nga ang tawagan namin. Malayong cousin kami. Kasi ang nanay ko, Herminia delas Alas Lualhati.

“Ninang din si Michelle (Van Eimeren). Kinuha ko talaga siya. And you know, she’s very thrilled also. So, bago ako umalis ng Australia,bumili siya ng regalo at nilagyan na niya ng card. Kaso, masyadong maraming trabaho si Michelle ngayon kaya hindi siya makakapunta,” kuwento ni Ogie.

After ng binyag ng anak, magiging super-busy na si Ogie.

Pagkatapos ng Valentine concert nilang mag-asawa, may movies siyang gagawin -- ang Boy Pick Up opposite Solenn Heusaff at Dubidobidoo I Love You, So.

At siyempre hindi niya puwedeng pabayaan ang Bubble Gang, napapanood tuwing Biyernes, kahit busy si Ogie, gagawa siya ng paraan para makapag-taping.