SI Maja Salvador ang bida sa  pelikulang My Cactus Heart ng SkyLight Films na ipalalabas na sa Jan. 25. Dalawa ang leading men niya rito – si Xian Lim at ang kasintahang si Matteo Guidicelli.

Ayon sa mga nakapanood na ng rushes ng pelikula, Maja once again displays honest-to-goodness talent. Pero ibang-iba raw ito sa mga roles na ginampanan niya noon sa pelikula at sa teleserye.

Si Enrico Santos ang director ng My Cactus Heart and according to him, “playing the role of Sandy in this light, romantic-comedy family movie, Maja could very well prove that a great actress doesn’t need all the dramatic highlights para maipakita ang kanyang real talent. Sometimes, it’s in the lightness of the role that makes an actress shine.

“Wala kaming ibang choice to portray the role. Para sa kanya talaga ang movie. This is Maja at her best!” dagdag pa ni Direk Enrico.

Ayon naman kay Maja, marami siyang natutunan tungkol sa pagmamahal habang ginagawa ang pelikula.

“Sa pagmamahal marami ka talagang pagdaraanan. Isa na dito ’yung matatakot ka, alam mong in love ka pero ayaw mong subukan. Anong humahadlang?

“Ang sinasabi dito sa movie, huwag ka na kasing mag-inarte! Go na ’pag alam mo na siya na! Huwag mo nang pakawalan. Huwag kang matakot masaktan dahil kailangan mo ’yun pagdaanan,” makahulugan niyang pahayag.

* * *

MAY balitang ang grand finals ng My Girl segment ng Happy Yipee Yehey na ang magiging biggest event ng noontime show bago ito magpaalam sa ere. Totoo kaya ito?

Ayon sa nakausap namin, gagawin nilang very memorable ang My Girl grand finals dahil ito na ang magiging huling pagsasama ng mga host. Nakaka-lungkot naman kung totoo ang ganitong balita.

Anyway, magaganda ang mga grand finalists na maglalaban-laban sa My Girl on February. Iba-iba ang kanilang personality. Merong puwedeng ilaban sa Binibining Pilipinas at sa iba pang prestigious beauty pageants. Ang iba naman, puwedeng modelo.

Early favorite itong si Margo Midwinter na half-British half-Filipina na artistahin ang itsura. During her talent presentation, may hukbo pa ng fans na nagpunta sa HYY studio para suportahan siya at i-cheer.

Ang grand winner ng My Girl ay tatanggap ng P1M, brand new car at magiging contract star ng Star Magic.