NAG-CELEBRATE pala ng birthday last January 21 si Richard Gutierrez sa Nobu Malibu exquisite restaurant sa Cross Creek Road, Malibu, California, malapit sa beach. 

Natunton namin ang birthday escapade ng actor base sa tweet ng kapatid niyang si Ruffa Gutierrez.

Nakita lang namin ang picture ni Richard sa Twitter account ng isang @joeldelprado na ni-retweet ni Ruffa.

Sorry, solo lang ni Chard ang pics na naka-post hawak-hawak ang plato na may birthday greetings, huh!

Wala kasamang girlash, hehehe! Itinago siguro, hehehe!

Kaya pala last Saturday, sa tweet ni Raymond, kakambal ni Richard, hindi na-mention si Chard na kasama sa dinner with the Gutierrez family.

’Di bale, sa Wednesday, tiyak na present si Richard na pipirma ng co-management contract sa Viva Entertainment kasama sina Ruffa at Mond na tutulong sa endorsements at events nilang tatlo.

Next month, tapos na rin ang Suvivor Philippines hosting ni Chard at inihahanda na ng GMA ang drama series na pagbibidahan niya kahit wala pang leading lady na napipisil niyang makapareha.

* * *

NAGTRABAHO bilang cashier sa Japan si Iwa Moto dahil siyam na buwan siyang walang trabaho sa GMA, ayon sa report ni Cristy Fermin sa Paparazzi kahapon.         Naku, huwag isisi sa network ang kawalan ng trabaho ni Iwa, huh!

Kung hindi siya nagluka-lukahan sa pag-ibig, aba, may pinatunguhan sana ang kanyang career nang muli siyang bigyan ng break ng network sa ibang shows.

Sa halip kasi na maging productive ang pagkakaroon ng boyfriend sa StarStruck finalist, aba, naging destructive ito!

Tanging si Iwa lang ang dapat sisihin sa pagbagsak ng career niya.

Inuna niya kasing ma-in-love kesa magtrabaho, so, kung ano ang itinanim, ’yun din ang aanihin!

* * *

NAKAKATUWA naman ang good luck tips ni Kris Aquino ngayong simula ng Year of the Dragon na ibinahagi niya sa kanyang Twitter account kahapon.

“Pls make sure all lamps and windows r in good condition. Change cracked ones. Turn on outdoor lights. Change bed sheets & towels & linens. Don’t hang laundry tonight. Clean all rugs/carpets by 10pm. Empty all trash @10PM. No hospital or funeral visits til after Jan. 23. Be happy & joyous so good fortune will smile on u. Kung Hei Fat Choi!”

Buti na lang, nakapagpalit kami ng bed sheet kahapon! Hehehe!

* * *

TALAGANG sa Twitter na lang nagbatian at nagpasalamatan sina Sharon Cuneta at Ogie Alcasid sa binyag kahapon ng anak nila ni Regine Velasquez na si Nathaniel or Nate.

Hindi kasama sa listahan ng ninong at ninang si Shawie, pero malay natin, baka sa Christian baptism ng bata, eh, join na ang megastar na isa na ring Christian.

Napag-alaman namin na kabilang sina Manny Pacquiao, Judy Ann Santos at Ryan Agoncillo sa maaagang dumating sa Don Bosco Church.

For sure, marami na namang natanggap na regalong gamit ng bata ang handog ng mga ninong at ninang kay Nate.

Ever since kasi ipinanganak ang bata, wala pang   binibiling gamit ang mag-asawa. Panay daw bigay ang lahat ng gamit ngayon ni Nate.

Ang tanging binili ni Regine para sa anak ay isang pares ng tsinelas na Havaianas.

Eh, kahit nga meron nang nag-o-offer na kunin sa TV commercial ang anak, ayaw pa niyang pumayag dahil bata pa raw ito.

Pero biro niya, kapag P100M ang TF, wala na siyang dahilan upang tumanggi pa.