February 4 na pala ang last airing ng Happy Yipee Yehey! at balitang ang Showtime ang ipapalit ng ABS-CBN sa time slot nito.

Mababakante ang time slot ng Showtime, kaya pelikula raw muna ang ilalagay habang wala pang ipapalit.

Samantala, Feb. 4 din daw ang pilot ng The Showbiz Inside Stories na ipapalit sa E-Live at kabilang sa hosts sina Janice de Belen, Ogie Diaz at Carmina Villarroel.

* * *

Magkasama ang mag-ex na sina Oyo Sotto at Nadine Samonte sa Valiente, pero sabi ng actor, never nagselos ang wife niyang si Kristine Hermosa lalo ngayong may Ondrea Bliss na sila.

Gusto pa nga niyang dalhin ang mag-ina niya sa taping ng Valiente sa Hacienda Leviste sa Lipa, Batangas.

Sa February 13 ang pilot ng Valiente sa TV5 sa direction ni Joel Lamangan.

Biggest production ito ng Archangel Media dahil sa rent pa lang sa Hacienda Leviste, P75,000 a day na at ’pag gumamit sila ng kabayo, another P5,000.

Tinanong pala namin si Oyo kung para kay Pauleen Luna ang intriguing tweets niya sa Twitter.

Kung sino raw ang tinamaan at kung sino ang nasaktan, siya ’yun.

“Pero hindi ako galit at hindi ko sinabing si Pauleen ang tinukoy ko sa tweets ko. Ayoko lang talaga kung totoo ang relasyon nila, ’di ako approve and it has nothing to do with Diether Ocampo.

“Hindi rin totoong si Tintin ang nagtutulak sa akin kaya galit ako kay Pauleen. Hindi ako galit, hindi lang ako approve,” ani Oyo.

* * *

Birthday ni Jillian Ward sa February 23 at seven years old na siya.

Tapos na that time ang Daldalita, pero dahil naging close ang bagets sa mga kasama sa show, tiyak na dadalo ang mga ito ’pag may birthday party siya.         Hindi pa tiyak ang parents ni Jillian kung magpapa-party dahil gusto ng bata, bumalik sa Hong Kong Disneyland.

’Katuwa dahil tinanong ni Jillian ang mom niya kung mauubos ang ipon nila kung magpapa-party siya o tutuloy sila sa HK?

Gusto ni Jillian na mag-ipon para magkaroon sila ng sariling bahay, pero sabi ng mom nito, tutulungan silang makapagpatayo ng bahay ng ninong ni Jillian.

Anyway, for her next show, gusto pa rin ni Jillian na makasama ang mga taga-Daldalita at comedy-drama ang gusto.

Request pala nitong mag-guest sa Bubble Gang at mukhang pagbibigyan ni Ogie Acasid.

* * *

TOday ang last taping day ng Munting Heredera at tiyak na magkakaiyakan sa taping.

Nine months ding magkakasama ang cast, sa pangunguna ni Gloria  Romero, naging close sila at parang tunay na pamilya ang turingan.

Sabi nga ni Camille Prats, naging sandalan niya ang mga kasama sa show nang magkasakit ang husband niya hanggang pumanaw ito.

Naging therapy naman niya ang soap at naibubuhos ang pain na nararamdaman that time.

Teary-eyed ang lahat sa thanksgiving dinner nila pati si Gloria.

Kung bibigyan daw uli siya ng GMA-7 ng gaya sa Muher, tatanggapin niya.

Sabi ni Redgyn Alba, hindi nila pakakawalan ang aktres na may magandang offer din sa ABS-CBN.