Matapang  at diretsahang sinabi ng isa sa cast ng TV5’s newest soap Valiente na si Nina Jose na hindi niya uurungan ang Eat Bulaga co-host na si Pauleen Luna sakaling sugurin siya nito dahil na sa isyung nililigawan umano siya ni Vic Sotto, na rumored boyfriend ni Pauleen.

Say ni Nina sa press launching ng bagong Kapatid soap na Valiente, okey lang kung susugurin siya ni Pauleen at tatalakan.

Pero ibang usapan daw kung sasaktan siya nito dahil hindi nito ito uurungan.

“Hindi naman ako mang-aaway pero sana wala namang away na maganap. After all, wala naman akong ginagawang masama at sinasabi ko lang ang totoo.

“Basta huwag lang niya akong sasaktan. Pero kung words lang at alam ko naman ’yung totoo,  go lang,” say ng sexy star.

Palaban ka rin?

“Oo naman, ibang usapan na kasi kapag pisikal na.”

Kapag sinabunutan ka ni Pauleen?

“Ay naku, hindi lang po sabunot ang aabutin niya!”

“’Yung mga umaaway sa akin, I will just pray for you,” dagdag pa ni Nina.

* * *

Sa wakas, napansin at nabigyan na rin ng soap na magkasama, bukod sa  Tween Hearts, ang future Angel Locsin at Richard Gutierrez ng GMA7 na sina Hiro Magalona at Kim Komatsu, na magpareha sa Biritera.

Marami ang nagsasabing malaki ang posibilidad na sumikat ang loveteam ng dalawa dahil pareho silang may magandang mukha na kaaya-ayang panoorin sa small screen.

Very thankful ang dalawang tween star kay Ms. Hazel Abonita dahil ito ang nagpu-push at nagbibigay ng suporta sa kanilang tambalan, gayundin siyempre sa big bosses ng GMA7 na sina Ms. Lilybeth Rasonable, Ms. Wilma Galvante at Ms. Annette Gozon-Ab-rogar sa pagbibigay-suporta sa kanilang loveteam.

Nagpapasalamat din si Hiro kina Kuya Germs na mentor niya sa showbiz, at kina Mother Lily and Roselle Monteverde sa pagpili sa kanya para maging Regal baby  at nakasama sa cast  ng MMFF entry ng Regal Films na Shake Rattle and Roll 13, at  ka-join din ito pelukulang Ded na Ded sa U, tampok sina Gabby Concepcion at Ruffa Gutierrez.

* * *

Ayaw na raw patulan ng Tween Hearts star na si Teejay Marquez ang panlalait sa kanya ni Mr.  Fu nang magpahayag umano ito sa kanyang radio program ng “Sino siya? Hindi ko siya kilala!” patungkol sa 2011 PMPC Star Awards For TV Best New Male TV Personality na napanalunan ni Teejay.

Tsika ni Teejay, wala raw siyang magagawa kung hindi siya kilala ni Mr. Fu.

Ang mahalaga raw, marami siyang trabaho dahil regular siyang napapanood sa no. 1 teen show sa bansa na Tween Hearts,  Ikaw Lang Ang Mamahalin, Walang Tulugan with the Mastershowman, at sa katatapos na primetime danserye na Time of my Life.