BIG break for Johan Santos, dating PBB housemate, nang mapili ng Skyflakes para sa kanilang TV ad na ang tema ay tungkol sa isang  ulirang anak na lalaki na ibinigay ang kanyang unang suweldo sa nanay.

Kung hindi kami nagkakamali, sina Robin Padilla at Jovit Baldivino ang pinakahuling celebrity na gumawa ng commercial for Skyflakes.

Maganda ang values na gustong i-impart sa televiewers ng Skyflakes TV commercial ni Johan. Happy ang binata na naging instrument siya para maibahagi ito sa manonood.

Ang Skyflakes TVC ang second commercial ni Johan. Nauna niyang ginawa ang breakfast joy campaign ng Jollibee na umeere pa rin hanggang ngayon.

Ayon kay Johan, very true-to-life ang role niya as a loving son sa TVC na ginawa niya.

“Ganu’n po talaga ako, eh. I always support my family sa mga panganga-ilangan nila lalo na kapag may trabaho ako,” ku-wento pa niya.

Si Johan ang nagpa-paaral sa dalawa niyang kapatid na lalaki -- isang first year college at 4th year high school.

Contract star din siya ng Star Magic. He’s hoping na ngayong 2012 ay mas gumanda ang takbo ng kanyang career.

* * *

SA January 30 na ang telecast ng pinakabagong serye ng ABS-CBN na tungkol sa batang robot titled E-Boy. Tampok dito ang MMFF 2011 Best Child Performer na si Bugoy Cariño.

Ang E-Boy ay nakaa-antig na kuwento ng isang batang robot na binigyan ng mga katangian ng isang tao na nang lumaon ay nagtulak sa kanyang hangaring maging isang tunay na bata.

Ngunit sa kanyang paglalakbay at sa pamamagitan ng kanyang mga karanasan, malalaman niyang ang pagiging tao ay hindi lamang nasusukat sa pagkakaroon ng laman at dugo, kundi ito ay ‘buhay’ na binibigyang kahulugan ng pamilya, pagkakaibigan at tunay na pagmamahal.

Makakasama ni Bugoy sa E-Boy ang mga premyadong bituin na sina Ariel Rivera, Jomari Yllana, Agot Isidro, Valerie Concepcion, Jaime Fabregas, Chinggoy Alonzo, at Pen Medina.

Ang E-Boy ay sa direksyon nina FM Reyes at Nick Olanka na gumawa rin ng Lobo at Imortal.