SUPER-love talaga ng guwapong aktor na si Geoff Eigenmann si Carla Abellana.

Tsika kasing bow lang ng bow si Geoff sa mga desisyon nitong si Carla. Tulad na lang nu’ng magpa-sexy ang GF sa 2012 Calendar ng Tanduay, at maging sa pelikula.

Say ni Geoff, malaki ang tiwala niya sa girlfriend sa anumang desisyon nito pagdating sa showbiz career. Hindi raw siya nakikialam, pero hindi naman  daw inililihim ni Carla  ang kanyang mga binabalak gawin.

Humihingi rin naman daw ang GF ng payo sa kanya kung tatanggapin niya o hindi ang isang project, lalo na kung magpapaseksi siya o magiging daring.

Ang latest na tsika tungkol kina Carla Abellana at Geoff ay balitang hanggang ngayon, wala pang tiyak na desisyon si Carla sa kumakalat na balitang mag-oober da bakod na rin siya sa kalabang istasyon ng Kapuso Network.

Tinatapos na lang daw ni Carla ang soap niyang Kung Aagawin Mo Ang Langit, with Michelle Madrigal na napapanood sa Dramarama sa Hapon ng GMA7.

Since malapit na ring matapos ang kontrata ni Geoff Eigenmann sa GMA7, may tsika ring walang katiyakan kung pipirma ulit si Geoff sa Kapuso Network.

Hinihintay lang daw ng binata ang desisyon ni Carla at tila may balak din si Geoff na sumama sa girlfriend, just in case, matuloy ang paglipat ng GF sa ibang istasyon.

Say nga ng isang  kilala naming mahaderang bading, sunud-sunuran daw talaga si Geoff kay Carla.   

*  *  *

HALOS isang taon na ring “nananahimik” ang showbiz career ni Sam Milby.        

Marami na tuloy ang nakaka-miss sa kanya.

Well, pinaghahandaan kasi nang  husto ni Sam ang kanyang “Hollywood dream” na maka-penetrate sa America showbiz.

Masuwerte ring maituturing si Sam, kasi nga, may agent siyang kilala sa Hollywood.

Mahirap para kay Sam  ang desisyon na iwanan muna ang showbiz career sa Pilipinas.

Pero hindi naman maatim ni Sam na palampasin ang pagkakataon, lalo pa’t isa sa mga itinuturing na magagaling na talent agencies sa Hollywood ang nagka-interes sa kanya.