Napag-alaman namin mula kay Lhot Ortega ng TV5 na sa Kumare Chika of TV5 ngayong Biyernes (Enero 20), magsasalita si Sharon Cuneta tungkol sa pinagdaraanan ng panganay na si KC matapos ang pinag-usapang hiwalayan nila ni Piolo Pascual.

Ibabahagi rin ng Megastar ang bonding nilang mag-anak sa U.S. kamakailan.

Huwag palalampasin ang pagkukuwento ni Sharon, 7 to 8 a.m., pagkatapos ng Sapul sa Singko sa TV5.

* * *

Kung si Sharon ay magsasalita pa lang, si Ynez Venaracion naman, nagsalita na tungkol sa pangwa-1-2-3 sa kanya ng ilang show produ na kumuha sa kanya last December para mag-show sa San Francisco, Agusan del Sur.

Winarningan niya ang iba pang mga artista, singer at performer na mag-ingat na lang kapag may produ na kukuha sa kanila para mag-show sa nasabing lugar.

Nagsalita na rin si Ynez nang pahapyaw tungkol sa naging relasyon nila ng isang gobernador from Mindanao at nakita na rin namin ang kanilang naging lovechild na 10 months old na ngayon.

Sa ngayon ay magkaibigan na lang daw sila ng gobernador at hindi naman daw ito nagkukulang sa pagbibigay ng suporta sa kanilang bagets.

Added na info pa ni Ynez, dinig daw niya na may bago nang nililigawan si Gob. Hindi raw niya makita na they will end up together dahil mahirap pagsamahin ang mga mundo nila.

”Parang ayoko naman na may boyfriend ako na kapag kasama ko sa restaurant, andiyan yung kabang pak... pak... alam mo ’yung ganu’n? For my safety na lang... kasi bata pa naman ako,” sey pa ng sexy star-turned-actress sa seryeng Munting Heredera ng GMA7.

* * *

Nagsalita na rin si Ina Feleo sa grand presscon ng PHR Presents Lumayo Ka Man sa Akin (airing on January 23, pagkatapos ng Pinoy Big Brother Unliday), na nag-on sila ni Jason Abalos nu’ng 2007 pero “lumayo” daw sa kanya ang aktor.

Muntik na ring magkaroon ng relasyon noon sina Maja Salvador at Jason, pero dahil magulo ang isip ng aktor at may pagkaluko-luko, hindi ito natuloy.

Kasama nina Maja, Ina at Jason sa serye ang nagbabalik-Kapamilyang si Patrick Garcia at nagbabalik-showbiz na si Ina Raymundo.

* * *

Kinumpleto nina Divine, Eting, Joya at Deniesse ang Top 14 housemates ng Pinoy Big Brother Unlimited matapos mapagtagumpayan ang matitinding pagsubok ni Big Brother noong nakaraang linggo.

Samantala, nahumaling ang Pinoy viewers sa January 15 episode ng PBB Unli Night kung saan ipinalabas ang unang bonding activity ng Top 14 housemates. Nag-trend sa Twitter sa buong mundo ang terms na “Tin and Kevin,” “Wendy and Carlo” at “Slater and Divine” dahil sa paghahalikan ng tatlong pares sa isang inuman at dare game.

Huwag bibitiw at subaybayan ang mga pangyayari sa loob ng Bahay ni Kuya araw-araw sa Pinoy Big Brother UnliDay kasama si Bianca Gonzalez sa Kapamilya Gold, pagkatapos ng Angelito: Batang Ama, at gabi-gabi sa Pinoy Big Brother UnliNight, kasama si Toni Gonzaga, pagkatapos ng My Binondo Girl sa Primetime Bida.

* * *

Text ni Marian Domingo ng GMA-7 PR: ”The finale episode of Amaya landed on Twitter’s list of most discussed topic worldwide and even trended to the No. 1 spot.

“It likewise concluded with high TV ratings of 43.5% audience share.

“Marian Rivera who played Amaya is currently taping for My Beloved serye opposite real-life sweetheart Dingdong Dantes slated to premiere on February 13.”