ANG seksi at ang ganda-ganda pa rin ni Ina Raymundo. Hindi halatang apat na ang kanyang anak sa non-showbiz husband na isang Canadian businessman.

Halata ring walang problema si Ina sa kanyang asawa at sa pagiging ina sa apat niyang anak.

“I’m so blessed na okey ang lahat sa family ko and I’m thankful na ganu’n ang nangyari simula nu’ng nagpakasal ako sa husband ko,” kuwento ni Ina na kasama sa bagong series ng ABS-CBN na Lumayo Ka Man sa Akin, starring Maja Salvador and Jason Abalos, na magsisimula sa Jan. 23 after PBB Unliday.

Hindi rin daw siya pinipigilan ng kanyang husband na bumalik sa pag-aartista.

“He’s very supportive. Tuwang-tuwa siya na nakikita ako sa TV na umaarte. Pati mga anak ko, happy for me.         “Pero siyempre, may limitations pa rin kahit papa’no. Dapat hindi ko mapapabayaan ang mga anak ko at ’yung obligasyon ko sa husband ko, dapat hindi nagsa-suffer,” dagdag pa niya.

* * *

INI-LAUNCH kamakailan ng Net 25 ang kanilang kauna-unahang soap opera na mapapanood simula sa Lunes ng gabi na pinagbibidahan nina Richard Quan, Leo Martinez, Precious Lara Quigaman, Vangie Labalan at mga homegrown talent ng Eagle Broadcasting Network.

5 Girls and a Dad ang title ng TV series at si Lualhati Bautista ang sumulat nito. Feel-good daw ang  programa na tatalakay tungkol sa isang ama at kung paano niya pakikisamahan ang limang anak na babae.

“Walang sampalan dito. Walang patayan. Walang violence. Light lang talaga. Iba ito sa mga teleserye na napapanood sa ibang channels,” paniniguro ni Lual-hati.

Sigurado ang Net 25 na may instant following na ang series dahil sa mga kaanib sa Iglesia ni Cristo na palaging nakatutok dito. Pero wish nila na mas madagdagan pa ito lalo pa nga at tungkol sa family values ang theme ng kanilang unang teleserye.

* * *

Si Luis Manzano na at hindi si Kris Aquino ang host ng Deal Or No Deal na muling mapapanood sa ABS-CBN sa February.     Hindi sinasadyang ma-banggit ni Kris ang tungkol dito sa kanyang programang Kris TV the other day.

Ayon pa sa kanya, magko-concentrate siya ngayon sa pagiging aktres kaya ibinigay na niya kay Luis ang Deal Or No Deal.

After ng kanyang birthday (Feb. 14) ay magte-taping na si Kris ng series kung saan makakasama niya si Anne Curtis.

Hindi pa malinaw kung sinu-sino ang iba pang makakasama sa serye.

* * *

NAG-AWAY pala sina Cristine Reyes at Rayver Cruz habang nasa New York nu’ng New Year dahil lang sa maleta.

Ipinipilit ni Cristine na isaksak sa maleta ni Rayver ang iba sa mga dala-dala niyang gamit para mabawasan ang kanyang bitbit pero hindi pumayag ang aktor.

Nag-dialogue pa ito na bumili na lang si Cristine ng bagong maleta.

Pero dahil love ni Rayver ang aktres, habang natutulog ito, ipinagpilitan niyang isiksik sa maleta niya ang ibang gamit ng kasintahan.

Nang magising si Cristine, solved na ang problema niya at nagbati na rin agad ang dalawa.