Kung sa presscon ng Precious Hearts Romances Presents Lumayo Ka Man sa Akin ay hindi napaamin si Jason Abalos ng tunay na estado ng relasyon nila ni Jewel Mische, inamin naman niya ito sa segment ni Boy Abunda ng Bandila last Tuesday night.

At first, tinanong ni Kuya Boy ang aktor kung in love ba siya ngayon, sinagot niya ito ng “yes” at idinugtong, “masaya ang puso ko. Parang ngayon, wala akong kahit anumang bitterness. Siguro natuto akong makuntento sa buhay.”

Hindi na nakapag-deny pa si Jason nang biglang humirit si Kuya Boy ng “ito ay oo o hindi lamang. Kayo na ba ni Jewel Mische? Oo o hindi?”

Sagot ng aktor, “Oo.”

Haba ng hair ni Jewel, huh! Ibig lang sabihin nito ay mahal talaga siya ni Jason para aminin siya in public.         Hindi katulad ni… ’yun na!

* * *

Sa presscon pa rin ng PHR Presents Lumayo Ka Man Sa Akin, natanong kung ano ang nangyari at nagkahiwalay sina Jason at Maja. Loko-loko raw kasi si Jason noon pero ngayon, nagbago na ito at going straight na.

Inamin naman ito ng aktor.

“Sige po, aaminin ko, nu’ng mga panahong ’yun, andu’n ako sa panahon na — tama si Maja, medyo loko-loko.

“Kumbaga, nadala ako noon ng buhay — eto, celebrity, tapos lahat ng ano, naibibigay sa inyo.

“Hindi pala kasi, dumating ako sa punto ng buhay ko na may trabaho ako, may ganito ako, may ganyan, pero hindi ako naging masaya. Siguro ngayon ko lang masasabi na kuntento ako sa buhay ko.”            Vinia Vivar