Shelved na ang soap ng isang network at marami ang manghihinayang sa hindi nito pagkatuloy dahil star-studded ang cast at maganda ang story. Walang ibinigay na rason sa desisyong ’wag nang ituloy ang soap na kundi kami nagkakamali, nai-present na sa advertisers sa trade launch ng network.

Binigyan na ng ibang project ang cast ng soap, pero hindi pa lahat dahil ang isa sa mga bida ay wala pang kapalit na project.

Sayang ang paghahandang ginawa ng cast sa soap, ang ilan sa kanila ay bumili na ng gagamitin sa taping.  

* * *

Maganda ang poster ng Hitman, hubad si Cesar Montano at puno ng tattoo ang katawan. Kasama niya sa poster ang major cast ng movie na sina Phillip Salvador, Ricky Davao, Mark Herras at leading lady niyang si Sam Pinto. Nakita rin namin ang picture ng anak ni Cesar na si Diego Loyzaga na introducing sa movie.

Si Cesar din ang sumulat ng script at director ng Hitman na showing na sa February at kundi kami nagkakamali, co-produced ito ng CM Films ni Cesar at Viva Films.

Ilang beses kaming nakadalaw sa shooting at nakakapanibago na putukan, habulan at car chase ang mga eksenang aming pinanood.

Sana kasama si Sam sa presscon para pag-reakin sa claim ng kampo ni Ellen Adarna na mas maraming pumunta sa autograph signing nito for FHM kesa sa autograph signing ni Sam. 

Anyway, hindi pa lumalabas ang karakter ni Sam sa Legacy bilang si Ciara Estuar, ang nanalong The New Face of Tala Soap.         Balitang inihahanda na rin ng Viva Films ang launching movie ng dalaga.

* * *

May Thanksgiving presscon ang Munting Heredera at personal na maikukuwento ng cast ang experience nila sa Child Haus last Sunday, kung saan ginawa ang charity event na Isang Munting Handog Mula sa Munting Heredera.         Kasama ng cast sina GMA VP for drama Lilybeth Rasonable at program manager Redgyn Alba.

Naiyak si Camille Prats nang kumanta ng medley ang mga batang may cancer, nangako naman si Roderick Paulate na babalik para tumulong.

Naikuwento ni Krystal Reyes na may fan siya dati na may cancer, si Neil Ryan Sese, na-realize na maliit ang problema nila kumpara sa mga bata at si Leandro Baldemor ay naging emosyonal sa kanta ng mga bata.

Malapit nang magtapos ang Muher sa direksyon ni Maryo J. delos Reyes at sa teaser, pagtutulungan nina Desmond (Gabby Eigenmann) at Simeon (Neil) na iligpit si Jennifer (Mona Louise Rey).

* * *

Sa Kokak, hindi nahabol ni Kara (Sarah Lahbati) si Angela (Jessa Zaragoza), pe-ro natandaan ang plate number ng taxi at na-trace nila ang taxi driver at address nito, kaya pinunta-han nila ni Carl (TJ Trini-dad) para alamin kung saan ibinaba si Angela.

Dahil ibang apelyido ang sinabi ni Kara, ’di kaagad nila nakita si Angela. Pero sa bandang huli, nagtagpo rin ang mag-ina at naging masaya ang kanilang pagkikita.