MULA raw nu’ng mag-pose ng sexy sa FHM magazine si Sam Pinto, nilalayuan na siya ng mga kalalakihan.

“Lalo yata silang na-intimidate sa akin! Hahaha! Seryoso ako, feeling ko talaga, kakagatin ko sila or something! Hahaha! Feeling yata nila, hindi na ako ma-reach. Pero parang hindi dumarating ang right guy sa akin,” say ni Sam.

Gusto niya sa lalaki ay malambing, hindi torpe at masarap kausap.

“Gusto ko yung little things na, “Uy, kumain ka na ba? Babaw, no? Gusto ko ’yung little things talaga. Gusto ko rin ’yung aggressive na tatawag ng, “Lets go out on a date!” Wala na ’yung pakiyeme-kiyeme pa. Hindi na kailangan,” dagdag pa ni Sam.

Madali ba naman siyang yayain lumabas?

“Depende! Kung gusto ko siya, why not? Kung ayoko, I`m at work. Hahaha!”

Alam ni Sam na kinukumpara ang kaseksihan nila ni Ellen Adarna. Dedma lang daw siya dahil hindi naman kaseksihan ang gusto niyang maging image nu’ng pumasok siya sa showbiz.

Gusto raw niyang makilala bilang mahusay na artista at hindi dahil sa paglalantad ng katawan.

Kaya super-saya siya nang makasama siya sa Legacy na pinagbibidahan nina Lovi Poe, Alessandra de Rossi at Heart Evangelista.

* * *

Aminado si Derrick Monasterio na takot siya sa fans ng Bea Binene-Jake Vargas loveteam, kaya tinigilan na raw niya ang panliligaw sa tween star.

“Natatakot po ako, baka hindi ako suportahan. Alam naman ninyo ’yung ibang fans na sobrang dikit sa idol, ’di ba? Wala namang relasyon sina Bea at Jake, pero ang alam ng fans, mayroon,” katwiran ni Derrick na kasama sa malapit nang mapanood na bagong drama-serye sa GMA7 na Ali-ce Bungisngis at pinagbibidahan ni Bea Binene.

May Velentine show si Derrick sa Switzerland with Sarah Lahbati, na balitang pinopormahan ngayon ng tween actor.

“Siguro ’yung mga moves ko doon kay Sarah, parang bonding lang. Saka nandoon si Enzo (Pineda). Alam naman ninyo ang fans, hahaha!” say ni Derrick.

Bakit siya takot sa fans?

“Alam ninyo naman po, Influential po sila. Hindi po kasi nila nage-gets ’yun. Friend ko lang siya.Time will come. Siguro kapag hindi na kami busy. Siguro kapag may chance. Kasi ngayon, hindi magkatugma ang sked namin,” pahayag ni Derrick.

May nagtanong kay Derrick kung may experience na ba siya sa babae?

“Wala!” diretsang sagot ni Derrick, sabay dagdag ng: “Malay ninyo, ano lang. Churva tienes lang. Hindi pa all the way, hahaha!”

* * *

Magdiriwang ng kaarawan ang anak ni Camille Prats na si Nathan on January 24 na wala ang ama nitong si Anthony Linsangan.

“Kailangan i-celebrate kasi ito ang stage that Nathan is already aware of what’s happening. He’s turning 4 years-old na. Alam na niya ’yung mga nangyayari sa paligid niya.

“Kaya kahit na wala na ang daddy niya, may birthday celebration pa rin siya. Nandiyan naman ang lolo at lola niya from both sides of the family para ipadama sa kanya ’yung pagmamahal,” say ni Camille.

Nagpapasalamat si Ca-mille sa kanyang pamilya at sa pamilya ng kanyang yu-maong mister dahil naging malaking tulong sila sa kanyang paunti-unting pag-recover.

“If it wasn’t for them, baka hanggang ngayon ay tulala pa ako,” nakangiting sabi ni Camille.

“Mahal na mahal nila si Nathan, kaya sobra ang pasasalamat ko sa kanilang lahat.Alam ko naman that Anthony wants me and our son to be happy kahit wala siya. And we are doing just that.”