WILLING na raw tumanggap ng gay film or role si Geoff Eigenmann. Gustong subukan ng aktor ang iba’t ibang roles para magkaroon din ng acting awards tulad ng  pinsang si Sid Lucero.

Say ni Geoff, na lead star ng seryeng Legacy at pag-aagawan nina Lovi Poe at Heart Evangelista, gusto niyang tularan si Sid na gumanap na sa iba’t ibang role, pati ang gay role sa movie na Muli, kung saan may bed scenes sina Sid at Cogie Domingo.

“Siyempre, nasa istorya rin ’yan at sa treatment na gagawin ng director. Kung nagustuhan ko ang lahat, puede kong gawin. Gusto ko ngang magawa  ang lahat ng klase ng roles,” say ni Geoff.

Hindi rin daw magre-react o makikialam ang dyowa niyang si Carla Abellana kung anuman ang maging career move niya.   

Pero inamin ni Geoff na hindi niya pinanood ang  Manila Kingpin: The Asiong Salonga Story dahil wala raw siyang time.

Tinukso pa rin siya ng press na ayaw lang niyang makitang nakikipaghalikan si Carla sa ibang artista.

“Hindi naman, alam kong trabaho lang lahat ang ginagawa ng artista. Artista rin ako. Ginagawa ko rin ang pakikipaghalikan sa mga kapareha ko,” depensa nito.

* * *

NASABI ng direktor ng Legacy na si Jay Alterejos  na hanga siya sa performance ni Mike Tan sa nakaraang soap nitong Kung Aagawin Mo Ang Langit.

Kaya raw agad siyang pumayag na makasama si Mike sa cast ng Legacy.

Sa ikalawang pagsasama nina Mike at Direk Jay, ibang Mike raw ang mapapanood dito.

* * *

ALAM ba ninyong very proud ang boyfriend ni Ellen Adarna  na si Filo Cucueco, na nakasama niya sa  Survivor Philippines, sa ginawang pictorial ni Ellen para sa January issue ng FHM magazine?

Kahit pa super-sexy ang posing ni Ellen,  natuwa pa nang husto si Filo. Sino ba ang boyfriend na hindi matutuwa kung ang kapwa mo kabaro, humahanga sa mahal mo?

Kaya ang ginawa raw ni Filo, bumili ng maraming kopya ng FHM at ipinadala sa mga kamag-anakan niya sa Amerika.

In turn, maraming relatives ni Filo ang very proud and happy sa ganda ni Ellen.

Dahil very  supportive si Filo sa career moves ni Ellen, lalo pang minahal ni Ellen ang dyowa.

* * *

NA-TOUCH ang buong cast ng Munting Heredera nang pumunta sila sa Child Haus sa Project 8, Quezon City, para sa thanksgiving sa success ng kanilang soap na nine months tumagal sa ere.

Inaliw ng stars ng Munting Heredera, sa pangu-nguna nina Ms. Gloria Romero, Roderick Pau-late, Camille Prats, Luz Valdez, Robert Arevalo, Gabby Eigenmann, Leandro Baldemor, Ynez Veneracion, Neil Ryan Sese, Krystal Reyes, Patricia Ysmael, Migs Cua-derno, Kyle Ocampo, Barbara Miguel and Mona Louise Rey, ang mga batang may sakit na cancer sa Child Haus.    

Nakasama rin nila ang GMA VP for Drama na si Lilybeth Rasonable, Mun-ting Heredera program manager Redgynn Alba at iba pang  staff ng show.

Nag-perform ang Mun-ting Heredera stars sa harap ng mga batang maysakit, nagbigay ng inspirational messages, pagkain at regalo sa mga bata.

Bilang pasasalamat, nagperform din ang mga batang may cancer. Hindi napigilang umiyak ng mga artista, isa na rito si Camille. Nangako naman si Roderick para maghatid din ng tulong.

Napaluha naman si Krystal habang ikinukuwento na mayroon din siyang fan na may cancer. Sinabi naman ni Neil Ryan na lumiit ang kanilang mga problema nang makita ang mga bata sa Child Haus. Maging si Leandro naiyak at na-touch sa song number ng mga bata.