HALATA man na napipika ang magaling na aktres sa “walang kamatayang” pag-uusisa sa kanyang lovelife, game pa rin  na sinagot ni Alessandra de Rossi ang tanong tungkol dito.

Say ni Alessandra, sa age raw niyang 27, wala siyang boyfriend at halos pitong taon na raw siyang “tigang” sa pagmamahal ng isang dyowa.

Hindi nga raw niya alam kung bakit mailap ang kanyang puso pagdating sa kalalakihan.

Tsika pa ni Alex, wala rin daw siyang manliligaw sa ngayon.

Kunsabagay, wa keber naman ang kanyang byuti kahit wala siyang karelasyon dahil nasanay na rin naman daw siyang single at hindi raw ito ang priority niya ngayon.

May hinuhulugan pa rin siyang bahay at matagal-tagal pa rin daw ang bayaran nito, plus, siya pa rin ang nagpapaaral sa mga kapatid sa kolehiyo.

Nasabi tuloy ni Alex na baka ang ending, tumanda na lang siyang dalaga.

Pero walang kurap na sinabi naman ni Alex na kapag nangyari raw ’yun, hindi na siya magtataka.

Handa naman siyang magpakatandang-dalaga pero ipinagdiinan niyang malayo raw tumanda siyang mag-isa.

Sa ngayon, super-busy si Alex sa bago niyang serye sa GMA7 na Legacy, kung saan isa siya sa lead role, alongside Heart Evangelista and Lovi Poe, napapanood gabi-gabi sa Primetime Telebabad ng Kapuso Network.

* * *

SA kabila ng kanyang maamong mukha, palaban at walang takot na nag-topless si Ellen Adarna bilang latest covergirl sa isang men’s magazine.

Kung dati raw ay sexy lang ang kuha ni Ellen sa pictorials niya, ngayon daw may halong “tapang” na ang pagbubuyangyang ng kanyang alindog si Ellen.

Hindi kataka-taka kung pinilahan ng mga kalalakihan si Ellen sa nakaraang autograph signing niya para sa naturang men’s magazine.

Tsika sa amin ng ilang insiders ng sikat na men’s magazine, na-break daw ni Ellen ang record sa pahabaan ng pila among their previous sexy cover girls.

Kung pagbabasehan lang ang pagpila ng mga kalala-kihan kay Ellen, siguradong kinabog niya si Sam Pinto, ang 2011 Sexiest Woman.

Last year kasi, si Sam ang nanalo ng kategoryang ito at inaasam-asam din ni Sam na makuha ang titulo for the second time.

Ngayon palang, pilit nang pinagsasabong ang mga alindog nina Ellen at Sam, na pareho ring Kapuso stars.

Pero magkaiba naman ang alindog ng dalawa, at ang tiyak na panalo, ang mga kalalakihan na sobrang excited na makita ang kaseksihan ng dalawang aktres.