NIYANIG ng magkasunod na lindol ang Baguio City at Surigao City kahapon.

Sa tala ng Philippine Institute of Volcanology and Seismology (Phivolcs), naramdaman ang lindol sa Baguio dakong alas-9:24 ng gabi. Nakita ang epicenter ng 2.6 magnitude lindol sa layong 16 kilometro timog-kanluran ng syudad.

Samantala, makalipas ang halos dalawang oras, naramdaman naman ang  3.8 magnitude na lindol sa Surigao City dakong alas-11:04 ng gabi kamakalawa.

Sa pagtaya ng Phivolcs, namataan ang epicenter sa layong 85 kilometro ng hilagang-silangan ng Surigao City.

Ayon sa ahensya, kapwa tectonic ang origin ng lindol.

Wala namang naiulat na nasaktan o nasugatan sa insidente at wala ring inaasahang aftershock.     Jun Icban Legaspi