BAHAGYANG nabigyan ng pag-asa ang mga magsasaka sa Isabela nang umulan doon kagabi na sinundan pa ng pagbaba ng temperature sa ilang bahagi ng Region II.

Sa report ng GMA News, sinabi ng mga local official sa munisipalidad ng Palapan, isa sa apat na coastal towns sa eastern Isabela, na nagtagal ang malakas na pag-ulan hanggang kaninang madaling-araw.

Samantala, sinabi naman ni Fr. Sammy Salazar, ang parish priest ng bayan, na dahil sa pag-ulan kagabi ay zero visibility sa mga kalsada na patungo at paalis ng Palanan.

Idinagdag pa nito na bagamat huli na ang pag-ulan para mailigtas ang mga nangamamatay na corn crops ay nagpapasalamat pa rin sila sa malakas na ulan.

Samantala, sa kabila ng pag-ulan ay sinabi naman ng Philippine Atmospheric, Geophysical and Astronomical Services Administration na magiging mainit pa rin ang panahon sa mga susunod na araw.

Sa regional center ng Tuguegarao ay posibleng umakyat daw sa 35 degrees Celsius ang temperatura.