SI Dulmatin, na senior leader ng terrorist group Jemaah Islamiyah na pinaniniwalaang patay na may dalawang taon na ang nakalilipas ay buhay pa pala base sa “latest reports,” ayon sa isang military official.

Sa report ng GMA News, sinabi ni Marine commandant Maj. Gen. Juanco Sabban na posibleng naninirahan si Dulmatin sa isa sa mga asawa nito sa Sulu.

"From my sources, he [Dulmatin] is still in Sulu. Remember we got his wife in Sulu? I think he has other wives, Tausug wives, and we are still validating that," ani Sabban.

Naiulat na napatay si Dulmatin nang makalaban ang mga sundalo ng Marines sa Tawi-Tawi noong 2008.  Ang mga tissue sample na nakuha mula sa isang bangkay ay ipinadala pa sa Amerika para sumailalim sa DNA test.

Subalit ang resulta ng naturang pagsusuri ay “inconclusive,” ani Sabban.

"Their [US] report s non-conclusive so we are not sure if he [Dulmatin] is dead or alive. Of course, in case of doubt, we still pursue the reports that we receive," saad pa nito.

Bukod kay Dulmatin, isa pang JI personality na si Omar Patek ay nasa Sulu rin at umano’y kinakanlong ng Abu Sayyaf.  Ang JI at Abu Sayyaf ay parehong may kaugnayan sa Al-Qaeda terrorist network ni Osama bin Laden.