HINDI na nalalayo is Filipino boxing champ Manny Pacquiao sa top fighting shape nito para sa nalalapit na laban kay Ghanaian Joshua Clottey  kaya babawasan na ang sparring sessions nito, ayon sa trainer na si Freddie Roach.

Sa report ng GMA News, sinabi ni Roach na sapat na ang 100 hanggang 110 rounds, sa halip na ang karaniwang 150 rounds, para maging handa si Pacquiao kay Clottey.

“We don’t need that many rounds. We’re sharp from the last fight (against Miguel Cotto last November). We don’t need 150 rounds for this fight – maybe about a hundred, maybe 110, somewhere in that neighborhood," ani Roach.

Sa kasalukuyan ay nakapagtala na ng 32 rounds ng sparring sessions si Pacquiao sa mga mas bata at mas malaking partners tulad nina Jose Buenavidez, Ray Beltran, at Mike Dallas sa Wild Card Gym sa Los Angeles.

Ipaglalaban ni Pacquiao ang kanyang WBO welterweight title sa laban nito kay Clottey sa Marso.