Sharlene nawala ang kakulitan

October 28, 2018
Sharlene San Pedro
Sharlene San Pedro

NINETEEN years old na ngayon ang  dating makulit at nakakatuwang member noon ng “Goin’ Bulilit” na si Sharlene San Pedro. At kung gaano ito kakulit nung siya’y bata pa ay siya namang pagiging prim and proper nito ngayon.

Ang dating child star-turned singer-actress at MYX VJ na si Sharlene ay isa sa mga tampok na bituin ng horror film na “Class of 2018.”

Tulad ni Nash Aguas, sumali rin noon si Sharlene sa talent search ng Kapamilya Network, ang Star Circle Quest:Kids where she placed second to Nash in 2004 at sumunod na rito ang pagkakasali nilang dalawa sa long-running kiddie show na “Goin’ Bulilit” in 2005 kung saan siya namalagi until she was 12.  Isa rin siya sa mga tampok na child stars  sa TV series na “Mga Anghel na Walang Langit” at naging sunud-sunod din ang paggawa niya ng mga TV series and TV guestings including “Maalaala Mo Kaya” (MMK).  Matagal din siyang naging bahagi ng youth-oriented Sunday afternoon TV series na “Luv U” kung saan din kabilang ang iba pang graduates ng “Goin’ Bulilit”.  Naging bahagi rin si Sharlene sa iba’t ibang TV series ng ABS-CBN tulad ng “Calla Lily,” “Krystala,” “OK Fine Whatever,” “Princess Sarah,” “Rounin,” “Ysabella,” “Pedro Penduko at mga Enkantao,” “Lobo,” “Kung Fu Kids,” “Tayong Dalawa,” “Kung Tayo’y Magkakalayo,” “My Binondo Girl,” “Nathaniel,” “Langit Lupa,” guesting sa long-running action drama series na “FPJ’s Ang Probinsyano” at marami pang iba.

Bukod sa “Class of 2018,” nakagawa rin si Sharlene ng maraming pelikula tulad ng “Tatlong Bibe,” “Resbak,” “Haunted Mansion,” “Must Be Love,” “Larong Bata,” “Segunda Mano,” “Kamoteng Kahoy,” “One True Love” at “Mag-ingat sa Kulam”.

Sharlene also reprised the role of “Princess Sarah” in 2007 na unang ginampanan ng Kapuso actress na ngayon na si Camille Prats.

Si Sharlene ay kumukuha ngayon ng AB-Psycholody under AMA Online Education.  Given the chance, gusto niya ito ituloy sa pagdu-doctor.