‘Much ado about nothing’

October 08, 2018

SINUSULAT natin ito, ‘trending’ sa ‘social media’ ang ‘leave of absence’ na isinumite ni Presidential spokesperson, Atty. Harry Roque, epektibo kahapon, araw ng Lunes.

Hindi maitatago na “dismayado” si Roque sa ‘advise’ ni PDU30 na huwag na lang tumakbo bilang senador sa 2019 dahil “wala” naman umano siyang panalo, hehehe, ayy, huhuhu!

At hindi naman siguro dapat ikasama ng loob ni Roque ang ‘frank assessment’ ni PDU30, na kilala sa pagiging “diretso” at “prangka” sa kanyang mga salita.

Kung babalikan, masasabing si PDU30 rin naman ang “humikayat” kay Roque na mag-ambisyon sa mas mataas na posisyon kaya nga bilang “tulong,” kinuha siyang ‘spokesperson’ mula sa pagiging ‘partylist congressman.’

‘Very high profile’ ang posisyong ‘spokesman’ ng Presidente at ng Palasyo kaya nga alam ni Mayor Digong na malaking tulong niya ito kay Roque at sa kanyang ambisyon.

At masasabi nating ‘very effective’ si Roque bilang tagapagsalita ng gobyerno, isang kredito na hindi natin dapat “ipagkait” o “maliitin.” Masasabi pa nga natin na “ibinalik” niya ang “kredibilidad” ng kanyang posisyon.

‘Yun nga lang, papalapit na ang halalan, lumalabas na “tinimbang ka ngunit kulang,” ang sitwasyon nitong si Roque, kung pagbabatayan ang resulta ng mga ‘pre-election survey.’

Bagaman, ‘all is not lost’ for Roque at sa ganang atin pa, ‘appreciated’ ni PDU30 at mga kasamahan niya sa Gabinete ang kanyang mga kontribusyon.

Ang “pruweba” dito ay ang “kahandaan” ni PCOO Sec. Martin Andanar na “ibigay” ang posisyong ‘Press Secretary’ dito kay Roque.

Take note, dear readers, si Sec. Andanar ang kasalukuyang ‘press secretary,’ bagay na ipinunto pa sa atin ni Senate President Tito Sotto III.

‘Nung ‘kinumpirma’ namin siya (Andanar) sa CA (Commission on Appointment), we confirm him as press secretary,” banggit pa ni ‘Tito Sen’ sa Senate media noong isang linggo.

Malaki kasi ang posibilidad, mga kabayan, na “ibalik” na bilang “OPS” (Office of the Press Secretary) ang PCOO, dahil ito ang gusto ng Senado.

“Binaboy,” err, “nilikha” lang kasi nitong si Noynoy Aquino ang PCOO matapos maging presidente noong 2010 (“salamat” sa garapalang pandaraya) dahil lang sa “kapritso” -- para lang “mapagbigyan” ang kanyang mga “tsuwariwap” na “lahat ay gustong maging press secretary,” dagdag pa ni Tito Sen.

At dahil alam natin na hindi rin naman “suwapang” na tao si Sec. Andanar o “gahaman” sa posisyon, nakahanda siyang ‘mag-step aside’ pabor kay Roque.

Abangan natin ang mga susunod na kabanata.

* * *

“Walang kuwentang pag-usapan” o ‘much ado about nothing’ sa ganang atin ang “bangayan” ng militar at ilang sektor ng lipunan hinggil sa isyu ng ‘communist infiltration’ sa mga eskuwelahan.

Bakit kanyo, dear readers?

Dangan kasi, matagal, napakatagal na itong nangyayari! Aber, “panahon pa ni Mahomah” ginagawa na ito ng mga komunista at ngayon, ng mga terorista kaya, “walang bago” at “panis” na ang isyung ito, mga kabayan.

Ang “bago” lang dito ay ang ‘’deny to death’ na postura ng mga eskuwelahan, hehehe!

Kung babalikan lang kasi ang ating kasaysayan, mga kabayan, dakong 1920s pa lang, bago pa man pormal na naitayo ang ‘Partido Komunista ng Pilipinas’ (PKP) noong 1930 ng grupo nitong sina Crisanto Evangelista (‘merger’ sa Partido Sosyalista ng Pilipinas na itinayo noong 1929 ni Pedro Abad Santos), “balon” na ng ‘recruitment’ ng mga “rebolusyunaryong” Pilipino ang mga eskwelahan, laban naman sa patuloy na “agresyon” at “pananakop” ng Imperyalistang ‘Tadong Unidos.

Dekada ’60 naman, mas umigting ang ‘recruitment’ ng mga komunista sa mga estudyante, lalo pa nga at nauwi sa ‘split’ ang PKP nang “kumalas” na ang grupo nitong sina Prof. Jose Maria Sison sa PKP noong 1968 at itatag nila ang “CPP” (Communist Party of the Philippines).

Ang tinatawag na ‘First Quarter Storm’ noong 1970 ay tinampukan ng mga malalaki -- at madudugong demonstrasyon ng mga estudyante -- na siyempre pa ang “kumukumpas” ay ang CPP, gamit ang kanilang mga ‘front organization’ noon katulad ng “Kabataang Makabayan” (KM) at “SDK” (Sandigan ng Demokratikong Kabataan).

Kaya nga ngayon na “sinasabi” ito ng militar, ang sagot natin, “anong bago dito, mga kuya?”

Impormante sa isang demokrasya ang malayang talakayan at malayang pagpapahayag ng saloobin at opinyon, partikular na sa hanay ng ating mga kabataan.

Ang “hamon” dito, sa ganang atin pa, ay kung paano “epektibong lalabanan” ng ating mga awtoridad ang mga “salungat” na pananaw at opinyon -- nang hindi gagamit ng dahas at pananakot.

Translation? The ‘challenge’ then, and now, is how to address the issue of the ‘White Area.’

As Sun Tzu famously said, the “Good General” is the one who defeats his enemies without actually resorting to combat and violence.

Hmm. Bigla ko tuloy “naalala” si ex-EMC commander, Lt. General Jorge ‘Brother’ Segovia at ex-AFP chief, Ed Ano. Ang “galing” kaya nila sa ganyan, peks man!