4,578

May pera sa ‘Goto’ at dapat repasuhin ni Comm. Sid

  • Written by Paul M. Gutierrez
  • Published in Opinion
  • Read: 345

“NANINIWALA” ba kayo, dear readers, na may “pera” sa “goto?”

Sa tanong na ito, alam nating ‘Yes-Na-Yes’ ang sagot ni kasamang Mentong Laurel, na ang ‘Goto King’ ang isa sa mga “paborito” nating “tambayan” sa Quezon City sa nagdaang panahon.

Kilala nating “parehas” at “disente” itong si Ka Mentong kaya alam nating “walang daya” ang kanyang negosyo.
    
’Yun nga lang, meron din palang matatawag na ‘Goto Queen,’ mga kabayan, na pangloloko sa kapwa ang alam na gawain.

Kung “masasarap,” may “sustansiya” na mga sahog at ‘secret mix and ingredient’ ang kailangan bukod pa sa “pawis” at “sakripisyo” upang maging “patok” sa panlasa ng mga parukyano at maging “mabenta” ang “goto,” aba’y “ibang klase” naman ang alam na “pansahog” nitong si ‘Goto Queen’ para magkamal ng milyones -- nang walang kapagud-pagod, talaga rin naman, hehehe, ayy, huhuhu!

Ayon pa nga sa taong nagsasabing “kilala” (translation: “nabiktima”) ng “bruhang” ito, aabot na -- kapit kayo sa silya, dear readers -- sa halos P800 milyon ang salaping “nadenggoy” niya!

Sa “sobrang galing” mambola nito at “magpalundag,” isa lang ang ating masasabi, hindi ba, kaibigang Bobot Sison: “Ang ‘lufet’ mo naman, madam, hahaha!

Naisulat natin itong pangyayaring ito, mga kabayan, dahil sa ating pagkaalam, andami nang nabiktima nitong si alias ‘Goto Queen,’ hindi ba kasamang Vic Reyes?

At dahil “bistado” ka na, mainam sigurong “magbago” ka na, “hijah,” habang may panahon pa -- bayaran mo ang mga “itinakbo” mong pera.
    
“Mabuti” sana kasi kung “asunto” at mga kaso lang ang “danasin” mo, hane? Paano kasi kung sa dami ng “inestapa” mo, “ibang ganti” ang maisip gawin ng ilan sa kanila at bigla ka na lang “mawala” eh, ansaklap naman, hindi ba?

Abangan!

* * *“

Nagulat” tayo sa nalaman natin na may ‘remnant’ pa pala ng ‘Grupong Magdalo’ sa Bureau of Customs (BoC) o mga indibidwal na nakapasok sa ahensiya noong panahon ni Mang Kan, err, Comm. 

Nicanor Faeldon -- at “nakikinabang” err, nasa payola, as in, “payroll” pa rin ng BoC sa termino

ngayon ni Comm. Isidro Lapeña.
    
Ang binabanggit natin dito ay itong si Atty. Althea Barbara E. Acas, ang ‘estranged wife’

ni Comelec Commissioner, Al Parreño -- na sinasabi naman ng mga miron ay “isa” sa mga opisyales ng poll body na “kasabwat” ng mga ‘Dilawan’ upang “ahitan” ng mga boto si Pang. Digong at Sen.

Bongbong Marcos noong 2016 elections.
    
“Parang pamilyar ang pangalan niya,” tanong ba ninyo, dear readers?
    
Eh, bakit naman hindi, Comm. Sid Lapeña, samantalang sa eskandalo ng ‘fake attendance’ ng

mga abogado sa BoC sa ginawang ‘MCLE’ (mandatory continuing legal education) noong isang taon, isa itong si Acas sa “sumabit” dito, kasama si Atty. Mandy Anderson at Atty. Jelina Magsuci (na kasama naman sa kinasuhan ng PDEA hinggil sa isyu ng nakalusot na P6.4 bilyon ng shabu noon ding isang taon).
    
Oh yes, Comm. Sid at IAG deputy commissioner Gladys Rosales, may ganyang isyu na ang resulta ng imbestigasyon ng Supreme Court ay “makapigil-hininga” pa rin na hinihintay ng hanay ng mga ‘organic’ na abogado na andu’n sa MCLE noong Mayo 2 hanggang Mayo 5, 2017, at mga “piping saksi” sa buong pangyayari -- pero “ganado” namang “magkuwento” sa atin pagkatapos ng insidente, har, har, har!
    
Sa nabasa nating ‘consultancy agreement’ ni Acas at Comm. Sid na may petsang Oktubre 30, 2017, kung saan “sinasahuran” pala si atorni ng P80,000 kada buwan -- hamak na mas mataas sa suweldo ng ‘career customs collectors’ -- natapos na ang kanyang kontratra epektibo noong nakaraang buwan, Marso 31.
    
“Bakit” naman and’yan pa rin umano sa BoC itong si Acas at patuloy na “sumasawsaw” sa mga opisyal na trabaho ng Aduana -- bagaman nga ‘consultant’ lang ang kanyang “titulo na may ‘expired contract -- mainam sigurong ipaliwanag ito ni Comm. Sid at Depcomm. Rosales.
    
Anila, kung may ‘renewed contract’ si Acas epektibo ngayong buwan ng Abril, “walang problema”  -- bagaman dapat umano sigurong “boldyakin,” err, “paalalahanan” ni Comm. Sid at DCA Rosales si Acas na siya ay ‘consultant’ lang at hindi regular na kawani o opisyal ng ahensiya.
    
Kung wala naman umanong ‘renewal of contract’ si Acas pero kitang-kita ng lahat ang kanyang patuloy na aktibong pakikialam, err, “pagsawsaw” sa mga opisyal na gawain ng BoC eh, teka muna, hindi ba, Ombudsman Conchita Carpio-Rosales?
    
“Malamang” daw kasi, “swak sa balde” si Comm. Sid at DCA Rosales sa isyu ng “pagkunsinti” sa isang ‘hao-shiao,’ aguy, aguy, aguy!
    
Dahil sinsero naman tayong nagmamalasakit kay Comm. Sid, wala naman sigurong “masama” kung bigyang-pansin niya itong sitwasyon ni Acas -- bago pa siya “makanal” nang husto sa isyung ito.
    
At napag-usapan din lang si Comm. Sid, “kudos” Sir, sa mabilis ninyong pagtugon sa isyu naman ng ilang ‘questionable consignees’ (read: alleged consignees for hire) na patuloy pa rin umanong “namamayagpag” sa pantalan.
    
May “nagpasa” kasi sa atin ng isang “mahabang listahan” (‘long list) ng  ‘consignees’ na insiyuhan ni Comm. Sid ng “AO” (alert order) noong nakaraang Biyernes!
    
At susmariosep talaga, mga kabayan, higit 30 ang consignees na “pinabubuksan” ngayon ni Comm. Sid ang kani-kanilang mga kargamento upang malaman kung “ano ba talaga” ang “pinarating” nila.
    
Ansaklap naman, hindi ba, alias ‘JR Tolentino,’ sir? Huhuhu!