6,116 guests

Ano ba ang ibig sabihin ng ‘indemnity agreement’?

  • Written by Atty. Persida Rueda-Acosta
  • Published in Opinion
  • Read: 125

Say mo Attorney?

KGG. na Chief Acosta,

Tumawag po sa akin ang manager ng Landbank at pinapa-confirm na mayroong deposito ang aking ina sa bangko. Umabot ito sa malaking halaga sapagkat mayroon siyang monthly pension na naipon doon hanggang sa namatay siya noong taong 2004. Sinabi ko sa manager na namatay ang aking ina noong taong 2004 at mayroon akong maipakikitang death certificate bilang patunay.

Pinapunta ako ng manager sa bank branch nila at pinapipirma ako ng indemnity agreement. Sinabi ko sa kaniya na pag-aaralan ko muna ang dokumento dahil wala naman akong alam sa mga ganoong bagay. Gusto ko lang malaman kung  ano ang ibig sabihin ng indemnity agreement kung saan nakasaad na:

I, ____, do hereby guarantee and undertake to pay and reimburse any third person who may be prejudiced and damaged by virtue of my withdrawal of savings account.

Maraming salamat po.

Lubos na gumagalang,

Katy

Dear Katy,
    
Para sa inyong kaalaman, kung sakaling pirmahan ninyo ang nasabing indemnity agreement, kayo ay sasang-ayon sa kasunduan na pananagutan ninyo ang sino mang tao na maaaring magtamo ng danyos sa pagkuha ninyo ng nilalaman ng savings account ng inyong ina. Ito ay magsisilbi na ring proteksiyon ng bangko sakaling may maghabol na ibang tao sa saving account ng inyong ina.
    
Ganoon pa man, hindi na kailangan ang ganitong mga kasulatan upang managot ang isang tao sa danyos na natamo ng ibang tao sapagkat nakasaad na ang responsibilidad na ito sa Civil Code of the Philippines na nagsasabi nito:
    
Article 19. Every person must, in the exercise of his rights and in the performance of his duties, act with justice, give everyone his due, and observe honesty and good faith.
    
Article 20. Every person who, contrary to law, willfully or negligently causes damage to another, shall indemnify the latter for the same.
    
Article 21. Any person who willfully causes loss or injury to another in manner that is contrary to morals, good customs or public policy shall compensate the latter for the damage.
    
Article 22. Every person who through an act of performance by another, or any other means, acquires or comes into possession of something at the expense of the latter without just or legal ground, shall return the same to him.
    
Article 23. Even when an act or event causing damage to another’s property was not due to the fault or negligence of the defendant, the latter shall be liable for indemnity if through the act or event he was benefited.
    
Article 2176. Whoever by act or omission causes damage to another, there being fault or negligence, is obliged to pay for the damage done. Such fault or negligence, if there is no pre-existing contractual relation between the parties, is called a quasi-delict and is governed by the provisions of this Chapter.
    
Malinaw sa mga nabanggit na ang nilalaman ng indemnity agreement ay nasasakop na sa mga nasabing batas.
    
Nawa ay nasagot namin ang inyong mga katanungan. Nais naming ipaalala sa inyo na ang opinyon na ito ay nakabase sa iyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyon na ibibigay. Mas mainam kung personal kayong sasangguni sa isang abogado.

Ang inyo pong Lingkod Bayan,

DR. PERSIDA V. RUEDA-ACOSTA

Punong Manananggol Pambayan

Paunawa:
    
Isangguni ang iba pa ninyong usaping legal sa aming opisina sa address na nakasaad sa pitak na ito o kaya ipadala ang inyong katanungan sa aming e-mail address: This email address is being protected from spambots. You need JavaScript enabled to view it. o tumawag sa PAO hotlines: (02) 426-2075; 426-2801; 426-2450; 426-2987; 426-2683; o 929-9436 local 106 o 107 during office hours at local 159 after office hours.
    
Ang mga serbisyong legal ng PAO gaya ng legal advice, court representation, pagsasagawa ng dokumento, notaryo at iba pa ay libre at walang bayad mula sa kliyente ng PAO sang-ayon sa R.A. No. 9406 (PAO Law). Sang-ayon din sa nasabing batas, ang katunggali o kalaban sa kaso na matatalo ang magbabayad ng attorney’s fee sa PAO para ideposito sa National Treasury.
    
Maaaring isumbong kay Chief Acosta ang sino mang public attorney o empleyado ng PAO na manghihingi o tatanggap ng salapi mula sa kliyente ng PAO sa address na ito: 5th Floor, DOJ Agencies Building, NIA Road corner East Avenue, Diliman, Quezon City, 1104.