7,727 guests

‘Anib’ ngayong Marso

  • Written by Paul Gutierrez
  • Published in Opinion
  • Read: 854

BAGO ang lahat, pagbati muna sa ngayon ay “sobrang kinaiinggitan” sa pantalan na ‘House of Thieves,’ err, ‘House of Tebes’ na siya umanong ‘unofficial player’ (kasi hindi puwedeng aminin) na “binasbasan” ng tinatawag namang ‘Davao Group’ upang gumawa ng samu’t saring  kabulastugan sa Bureau of Customs (BoC) katulad ng garapalang mababang deklarasyon sa mga binabayarang buwis sa kanilang mga dumarating na kargamento.

Ayon sa mga miron, BELOW 50 PERCENT sa ‘benchmark’ sa mga kargamento ang binabayarang buwis ng grupong ito sa MICP pero walang “pumipiyok” at baka sila pa ang “malasin” dahil nga “putok” sa buong bakuran ni Comm. Nick Faeldon na “bagyo” (daw) sa bagong administrasyon ang grupong ito. Yes, Col. Star Estrella, may ganyang isyu, hane?
   
At hindi lang ’yan, Department of Agriculture (DA) Secretary (at NPC lifetime member) Manny Piñol, na kahapon, sa panayam ni ‘Ka Joe Taruc’ sa DZRH, ay ibinibisto ang talamak pa ring smuggling ng bigas d’yan sa Mindanao at kahit umano sa “teritoryo” ni SBMA Chairman, Martin Diño.
   
Eh, “napangiti” na lang sa tinuran ni Sec. Manny ang ating mga miron. Anila, baka “inililigaw” lang ang mabunying kalihim ng kanyang mga ‘asset.’
   
“Huwag” ka na raw kasing “lumayo” pa Sec. Manny dahil kahit d’yan sa MICP, “walang awat” ang “parating” nitong ‘House of Tebes’ katulad ng mga bigas.
   
Kumbaga, kahit sa mga “trabaho” na “special” (read: ‘agricultural products’), “bukod na pinagpala sa lahat” itong House of Thieves, err, House of Tebes. Ayos!

* * *   

Dalawang ‘important anniversary,’ dear readers, ang ipinagdiriwang ngayong buwan. Una rito ay ang ika-120 anibersaryo ng ‘Philippine Army’ na itinatag sa ‘Tejeros Convention’ sa Cavite noong Marso 22, 1897 kung saan si Gen. Artemio Ricarte ang naitalagang unang “CGPA” (commanding general, Philippine Army, sa ating modernong lengguwahe).
   
Sa mga mahilig magbasa sa kasaysayan, ‘significant’ ang Marso 22 dahil hindi lang ito ang petsa ng pagkatatag ng ‘Philippine Army’ bagkus, dito rin sa ‘Tejeros Convention’ nagtagumpay ang sabwatan ng mga ‘Magdalo’ ni Gen. Emilio Aguinaldo na “ikudeta” si Katipunan Supremo, Andres Bonifacio, tama ba, kasamang historyador, King Cortez?
   
At hindi pa nakuntento ang ‘Grupong Magdalo’ sa kanilang kudeta, “pinatay” pa nila si Bonifacio at kapatid nito (ginahasa naman ang kanyang misis na si Gregoria) ilang buwan pagkatapos siyang makudeta, noong Mayo 10, 1897 sa bayan ng Maragondon, upang matiyak na “masosolo” nila ang liderato ng Rebolusyon.
   
“Matindi” ang ‘insecurity’ ng mga ‘Magdalo” at mga traydor sa bayan sa hanay ng mga ‘Ilustrado’ na pinangungunahan ni Aguinaldo kaya muling “dumanak” ang dugo nang magsabwatan (ulit) sila upang ipapatay ang sumunod na CGPA, si Gen. Antonio Luna, noong Hunyo 5, 1899, sa panahong nilalabanan natin ang pananakop ng Imperyalismong Amerikano.

* * *   

Ngayon namang Marso 29, ipinagdiriwang ng ‘New People’s Army’ (NPA) ang ika-48 anibersaryo nito. Bagaman, nga, noong ika-45 “anib” ng “rebolusyunaryong hukbo” noong 2014, “malungkot” ang buong “kilusan” -- at “tuwang-tuwa” naman ang Phil. Army dahil bilang “regalo” sa sarili, “natimbog” ng Phil. Army sa anib nito noong Marso 22, 2014, si CPP-NPA chairman, Benito Tiamzon, sa Cebu.
   
Batay sa mga naglabasan nang impormasyon, natatag ang NPA sa “magubat” na bahagi ng Tarlac nang “magkita” sina CPP founder, Jose Maria Sison at Bernabe ‘Kumander Dante’ Buscayno na lider naman ng isang paksyon ng lumang “HMB” (Hukbong Mapagpalaya ng Bayan) ng lumang “PKP” (Partido Komunista ng Pilipinas) sa pangunguna ng ‘Lava Brothers.’
   
Ipinunto naman sa atin ng isang kaibigan na “pamilyar” sa pagkatatag ng NPA, na sa “pagtatagpo” nina Kumander Dante at ‘Joema,’ kasama nila ang “among tunay” ng grupo ni Ka Dante na, tararan!!!
   
Ang tatay ni Noynoy Aquino na si Sen. Ninoy Aquino -- habang ang “tagatimpla” nila ng kape habang nag-uusap silang tatlo ay ang butihing ina ni Noynoy Aquino na si ‘Tita’ Cory Aquino.
   
Oh yes, Chief of Staff, Gen. Ed Año at ex-NICA director, Pete Cabuay, may ganyan palang “detalye” sa pagkatatag ng NPA noong 1969, talaga rin naman, hehehe!
   
Translation, mga kabayan? Bilang isang ambisyosong ‘political warlord,’ walang pakialam si Sen. Ninoy na sa kanyang mga ginagawa, buong Republika ang kanyang gustong “ipahamak.”
   
At marahil, itong “sikretong relasyon” na ito ni Sen. Ninoy kay Ka Joema at Kumander Dante ang dahilan kung bakit noong iutos ni Ka Joema ang pagbomba sa ‘Miting de Avance’ Liberal Party sa Plaza Miranda noong Agosto 21, 1971, WALA doon si Sen. Ninoy!
   
Baka naman may ‘prior notice’ siya, hehehe!
   
At marahil, naging “malinaw” na rin sa lahat kung bakit, nu’ng magdesisyon si Kumander Dante na bumalik na lang sa “puspusang pamumuhay, wala nang pakikibaka” matapos palayain ni Tita Cory ang lahat ng ‘political prisoners’ pagkatapos ng ‘EDSA Uno,’ “kinupkop” siya ng pamilya ni Tita Cory.

* * *   

Dahil naman “naunsiyami” ang ‘peace talk’ at ‘ceasefire’ sa pagitan ng GRP at NDFP noong isang buwan, walang mailunsad na “selebrasyon” ang NPA kung saan kahit mga kasapi ng media ay imbitado.
   
Marahil, sakaling malagdaan ang ‘bilateral ceasefire’ sa pagtutuloy ng peace talk ngayong Abril, puwede na, ‘belated’ nga lang, hehehe!
   
Oh yes, Jungle Fighter Division chief, MGen. Rhoderick Parayno, sir. “Suspended” ang NPA “anib” sa lugar mo dahil baka raw kahit hindi naman kayo imbitado eh, ‘mag-gate crash’ kayo, hahaha!
   
At mainit na ‘congratulations’ kay 202nd Brigade’ commander, Col. Marcelo ‘Boyet’ Burgos, matapos “umani” ng “papuri” ang ‘Unifier Brigade’ bilang “da best” sa tatlong ‘Army brigades’ ng 2nd ID, sa katatapos namang ika-41 anibersaryo ng dibisyon.
   
Sa ‘Facebook,’ nakita pa natin si Cong. Nene Ramirez-Sato ng Occidental Mindoro na ‘looking proud’ wika nga, habang binabati si Col. Boyet.
   
Hmmn. Dahil kaya “matagal” na silang magkakilala, ganu’n kaya ’yun? Is this a case of ‘belated gratitude on the part of the good lawmaker, hehehe!
   
Dangan kasi, ang Mindoro, mga kabayan, ay “hawak” ng 203rd Brigade sa ilalim ni ex-Army PIO, Col. Antonio Parlade habang ‘Calabarzon’ naman ang “AOR” ni Col. Boyet.
   
Kumbaga, “dagat” ang pagitan ng dalawang brigada pero si Cong. Ramirez-Sato, aba’y “haping-hapi” sa kanyang pagbati kay Col. Boyet, talaga rin naman, hahaha!
   
‘At any rate, congrats ulit, Col. Boyet -- ang tanging “BatComm.” (battalion commander, 80th IB, Occidental Mindoro ni Cong. Ramirez-Sato) na “kinulit” ako ni ex-Chief of Staff, Gen. Del Bangit (sumalangit nawa) na ‘ma-interview’ ko dahil nga, “magaling” (daw) na batang opisyal.
   
‘The rest,’ wika nga, ‘is history.’ Ayos ba, Col. Boyet? ’Yung beer, ’asan na, hahaha!